MASEPALA WO MOGOLO WA TZANEEN
Tšea karolo mo Komiting ya Wate le go thuša go akgofiša neelo ya ditirelo mo wateng ya gago!!!!!
Komiti ye e kgethilwego ke batho mo watengitšego ka gare ga tikologo ya masepala, go phagamiša demokrasi ya go tšea karolo mo mmušong wa selegae (e hlomilwe ka ge e nyakilwe ke Molao wa Sebopego sa mmušo wa selegae wa 117 wa 1998 – Kgaolo 4). Ye ke komiti ye e hlomilwego go lomaganya sekgoba se se ka bago gona magareng ga masepala le ditšhaba tša wona.
Komiti ya Wate e hlomilwe bjang?
E na le Mokhansele wa Wate bjalo ka modulasetulo gomme e na le maloko ao a sa fetego lesome ao a šomago ka boithaopo.
Kelo ye bohlokwa yeo e swanetšego go šetšwa mo nakong ya dikgetho tša Komiti ya Wate.
Tekano ya bonna le bosadi – basadi ba swanetše ba tšweletšwe gabotse "ge e ka ba dipersente tše masomehlano tša palomoka ya maloko a komiti".
Komiti ya Wate e swanetše e be kemelo ya dikgahlego tše fapanego tša mo ward, go swana le Boswa, Bong, Meetse, Tšwetšopele ya Ekonomi ya Selegae, bj.bj..
Maikarabelo a Komiti ya Wate ke afe?
Go šoma bjalo ka komiti ya keletšo yeo e ka fago dikeletšo mo ditabeng tše di amago ward ya yona (go fana ka ditirelo tša masepala) go mokhansele wa ward; goba go khansele ya selegae goba ramotse.
Dipolane tša Tšwetšopele tše di Kopantšwego (IDP).
Tšea karolo mo ditshepedišong tša go lokišetša tekanyetšo ya Masepala wo Mogolo wa Tzaneen.
Komiti ya Wate ka go Masepala wo Mogolo wa Tzaneen e tšea lebaka le le kaakang?
Lebaka la kantoro ya komiti ya ward ke mengwaga ye mebedi go tloga ka letšatši la hlomo. (go sa balwe modulasetulo yo a kgethilwego mo dikgethong tša mmušo wa selegae).
Go direga eng ge sekgoba se eba gona ka gare ga Komiti ya Wate?
Tshepedišo ya tšhišinyo e swanetše e dirwe go lebeletšwe dinyakwa tšeo di tšwelelago ka fase ga nhla ya .
Maloko a Komiti ya Wate a lefša bjang?
Maloko a Komiti ya Wate ga a lefiwe ka ntle le gore Masepala wo Mogolo wa Tzaneen o lefa maloko ditshenyelelo tša bona tša maeto ao ba a tšerego ge ba be ba phetha mabaka ao a amanago le ditaba tša masepala go swana le dikopano, thutelo yeo e direlwago ka ntle ga diward tša bona.
Ke mang yo a ka phatlalatšago Komiti ya Wate le gona ka mabaka afe?
Komiti ya Wate e ka phatlalatšwa fela ke Masepala wo Mogolo wa Tzaneen, gomme se se ka direga ge komiti e hlolega go phethagatša maikemišetšo a yona.
Go hwetša tshedimošo ye e tseneletšego ka Komiti ya Wate mo Wateng ya gago, o kgopelwa go ikopanya le:
Mokhansele wa Wate ya gago; goba
Masepala wo Mogolo wa Tzaneen –Yuniti ya Dipoledišano
Mogala: 307-8019/45/6
Fekese:015 307-8049
A re šomišaneng go kaonafatša boleng bja bophelo…...
